×
Сабақтар Хабарландыру тақтасы Кіру Қазақша-ағылшынша сөздік Ағылшынша-қазақша сөздік Пәндер Тіркелу

Шеңбердің ұзындығы формуласы, шеңбердің радиусы

Создание сайта в Алматы

Шеңбер дегеніміз центрі деп аталатын бір нүктеден бірдей арақашықтықта жатқан нүктелерді айтамыз:

Шеңбер

Бұл суретте радиусы 5 см тең шеңбер сызылған. Суреттегі шеңбердің центрі қандай нүкте? Шеңбердің радиусы көмегімен шеңбердің ұзындығы есептелінеді.

Шеңбердің ұзындығы формуласы

Шеңбердің ұзындығы формуласы мынандай:

L = 2πR, осы жердегі π жуықтап алғанда 3,14 тең.

Мысалы жоғарыдағы шеңбердің ұзындығын есептейік:

L = 2πR = 2*3,14*5 = 31,4

Жауабы радиусы 5 см шеңбердің ұзындығы 31,4 см тең.

Жаттығу ретінде радиусы 15 см тең шеңбердің ұзындығын табындар.

Шеңбердің периметрі

Шеңбердің периметрі дегеніміз оның ұзындығы. Бұл екеуі бірдей мағына береді.

Дөңгелектің ұзындығы

Дөңгелектің ұзындығы оны қоршап тұрған шеңбердің ұзындығына тең. Дөңгелектің периметрі де сол мағына береді. Дөңгелектің ауданы қажет болса бұл да осы сайтта бар.

Шеңбердің диаметрі

Шеңбердің центрі арқылы түзуді өткізуге болады. Бұл түзу шеңберді екі рет қияды:

Шеңбердің диаметрі

Бұл түзуде жатқан және ұштары шеңберді екі рет қиятын кесіндіні шеңбердің диаметрі деп атайды. Жоғарыдағы суретте ақ түспен боялған. Шеңбердің диаметрің D деп белгілейді. Және бұл радиустан екі есе үлкен:

D = 2R

Соңдықтан жоғарыдағы формуланы былай да жазуға болады:

L = πD

Радиусы 15 см шеңбердің периметрі неге тең? Ал радиусы 30 см болатын щеңбердікі ше?

Пән: Геометрия