Таза заттар және қоспалар. Біртекті және әртекті қоспалар
Таза заттар бұл бір ғана заттан құралады. Мысалы су таза зат болады. Себебі су тек қана судан ғана құралған:
Ал қоспалар бірнеше заттың араласуынан құралған. Мысалы саз бен судың араласуынан пайда болған лай су қоспа болады, себебі бұнда екі зат бар - саз және су.
Бірнеше зат араласып біртекті қоспалар құрса бұлар біртекті қоспалар. Немесе гомогенді қоспалар деп аталады. Мысалы су мен қантты араластырсақ, пайда болған затта су мен қантты айыра алмайсыз, бұнда біртекті қоспа, біртекті зат пайда болады.
Бірнеше затты араластырғанда пайда болған зат біртекті болмаса, ондайлары әртекті немесе гетерогенді қоспалар деп аталады. Мысалы саз бен судың араласуынан пайда болған зат біртекті болмайды - ыдыстың үстінде лай су ал түбінде саз жатады.
Табиғатта таза заттар сирек кездеседі. Себебі қоршаған ортада сан-алуан түрлі заттар бар, және олар бір-бірімен араласа береді. Мысалы судың құрамында тұздар да бар болады. Бұл тұздар жер асты суларында еріп, су құрамына енеді.
Пән: Химия
Жандос Алпысбай-ұлы
Комменттер
Мысалы тұз бен су. Суға тұзды араластырсаңыз пайда болған қоспадан тұзды да, суды да жеке көре алмайсыз. Тұз су түбіне қалдық боп қалмайды. Бұл біртекті қоспа болады.
Жауап беру | Өзгерту | Жою
Біртектіге - тұз жəне су, қант пен су, сода мен су, иод пен су. Əртектіге су мен балшық, су мен құм.
Жауап беру | Өзгерту | Жою
Біртекті қоспалар əртекті қоспалар қаншаға немесе қалай бөлінеді?
Жауап беру | Өзгерту | Жою
Біртекті және әртекті қоспалар агрегаттық күйіне байланысты үшке бөлінеді. Газ, сұйық және қатты.
Біртекті қоспалар
Екі не одан да көп газдың қоспасы кейде біртекті болады. Мысалы ауа, ауада оттегі және азот бар (ауаның құрамында өзге газдар да бар), осы қоспа біртекті. Сіз тыныс алып тұрған ауадан азотты не оттегін ажырата аласыз ба? Сұйықтар да біртекті қоспа түзеді, бұларды ерітінділер дейді. Мысалы суға қантты салсаңыз ол қалтықсыз ериді. Яғни біртекті қоспа түзіледі. Қатты заттар да біртекті қоспларды құрай алады. Мысалы мыс пен қалайыны ерітіп араластырады, нәтижесінде біртекті қоспа қола түзіледі. Қола қорытпа болады. Металдардың қоспалары қорытпа делінеді. Мысалы темір мен көміртегінің қоспасы болат деп аталады.
Әртекті қосплар
Түтін мен тұман әртекті газ қоспасы болады. Тұманда ауа мен су бөлшектері біртекті араласпаған. Тұман жер бетіне жеткенде жапырақтардың бетінде шық шығады. Су мен құм біртекті емес қоспаға жатады. Ал қатты заттардан құм мен цементті жатқызуға болады.
Жауап беру | Өзгерту | Жою
3) Біртекті және әртекті қоспаларды бөліп жаз: тұман, топырақ,
газдалған су, түтін, сүт, гранит, қола, бұлақ суы, тіс пас-
тасы, теңіз суы, 583 сынамалы алтын. Әр қоспа үшін заттың
агрегаттық күйін көрсет.
Жауап беру | Өзгерту | Жою
Тұман - әртекті және газ, топырақ әртекті және қатты зат, газдалған су біртекті әрі газ, түтін әртекті әрі газ, сүт әртекті әрі сұйық, гранит әртекті әрі қатты зат, қола біртекті әрі қатты зат оған қоса метал, бұлақ суы біртекті әрі сұйық, тіс пас-
тасы біртекті әрі сұйық, теңіз суы біртекті әрі сұйық, 583 сынамалы алтын біртекті әрі қатты зат және метал.
Жауап беру | Өзгерту | Жою
3.Біртекті және әртекті қоспаларды бөліп жаз: тұман, топырақ, газдалған су, түтін, сүт, гранит, кола, бұлақ суы, тіс пастасы, теңіз суы, 583 сынамалы алтын. Әр қоспа үшін заттың агрегаттық күйін көрсет. Пжж
Жауап беру | Өзгерту | Жою
Саламатсызба!
Біртекті - тұман (газ), газдалған су (сұйық), қола (қатты), 583 сынамалы алтын (қатты); әртекті - топырақ (қатты), сүт (сұйық), гранит (қатты), тіс пастасы (қатты), теңіз суы (сұйық).
Жауап беру | Өзгерту | Жою
Сәлеметсізбе!
Өзен суы қоспа болады. Себебі оның құрамында құм, лай, неше түрлі жәндіктер бар. Сутек таза зат болады. Себебі ол бір ғана заттан сутегінен құралған. Ағаш көмірі пен қант күрделі заттарға жатады. Кокс газы қоспа боп табылады. Крекинг химиялық құбылысқа жатады. Балқыту физикалық құбылысқа жатады. Темір мен қант ұнтағын ажырату үшін магнитті пайдалану керек. Түстің өзгеруі химиялық реакцияның белгісі боп саналады.
Молекула заттың қасиетін және құрамын сақтайтын ұсақ бөлшектер. Атомдар химиялық жолмен бөлінбейтін заттын ең ұсақ бөлігі. Физикалық дене парта болады, қалғандары заттар. Сутегі жай зат болады. Себебі ол бір ғана сутек атомынан құралған. Ағаштың жануы химиялық құбылыс боп табылады. Себебі ағаш жанғанда бір заттан екінші зат пайда болады. Алғашында ағаш болса кейін түтін мен күл түзіледі. Яки жаңа заттар түзілді. Жай заттардың физикалық қасиеттері тұрақты болады. Химиялық жолмен бөлінбейтін ең үсақ бөлшек ол атом болады. О деген таңбамен оттектін бір ғана атомы бейнеленеді. Оттек таза затқа жатады.
Жауап беру | Өзгерту | Жою
Біртекті қоспаға не жатады?
Bekarys Malimbay
Жауап беру | Өзгерту | Жою