Гук заңы, серпімділік күші

Серіппені қолмен қысқанда, серіппеде сіздің күшінізге қарсы әсер ететін, қарама-қарсы бағыттағы серпімділік күші пайда болады. Бұл күш серіппенің толықтай қысылуына кедергі болады. Серпімділік күші бар денелер үшін Гук заңы орынды.

Гук заңы сыртқы күштің шамасын және деформация мөлшерін байланыстырады.

Серпімділік күші

Денені деформациялауға бағытталған F күші осы күштің әсерінен пайда болған l ауытқуға пропорционал:

F = k * l, k - керілу коэффициенті деп аталатын тұрақты шама.

Мысалы, бала серіппені 10 сантиметрге қысты делік, серіппенің керілу коэффициенті 20 Ньютон/метр, сұрақ, бала қандай күшпен серіппені қысты?

Шешілуі:

Гук заңына сәйкес керілу күші (10 сантиметр = 0,1 метр):

F = k * l = 0,1 * 20 = 2 Ньютон.

Жауабы: 2 Ньютон.

Серпімділік күші тек қана серіппені қысқанда ғана емес, сонымен қатар басқа денелерде де пайда болады, мысалы садақта:

Гук заңы тек қана аз деформацияларда орынды болады, мысалы садақты қатты кертіп сындырсаңыз, садақтың керілу күші нөлге тең болады, Гук заңы бұндай жағдайларда қолданылмайды.

Сонымен формуладан көретініміз бұл серпімділік күшінің шамасы ауытқуға пропорционал болатынында.

Жаттығу: Балуан үлкен серіппені 20 сантиметрге қысты, серіппенің керілу коэффициенті 700 Ньютон/метр, балуан қандай күшпен серіппені қысты?

Пән: Физика

Жандос Алпысбай-ұлы

Комменттер