Галактика деген не? Құс жолы және өзге галактикалар

Галактика деген не? Галактика дегеніміз бұл бір-бірімен гравитациялық, тартылыс күшімен байланысқан жұлдыздар шоғыры. Мысалы түнде аспанға қарасаңыз Құс жолың көре аласыз, бұл біздің Күн жұлдызымыз кіретін галактика:

Құс жолы

Құс жолы аспанда түнде көрінеді, бұл галактикаға түнде көзге көрінетің барлық жұлдыздар тиесілі. Құс жолының диаметрі шамамен 100 000 жарық жыл. Бұл дегеніміз жарық осы галактиканың бір шетінен екінші шетіне жеткенше 100 000 жыл өту керек!

Құс жолының суреті:

Ағылшынша Құс жолы Milky Way ал Күн Sun деп аударылады. Суреттен көріп тұрғанымыздай Күн галактиканың шетінде орналасқан.

Басқа галактикалар

Аспанда Құс жолынан басқа галактикалар бар, мысалы Андромеда галактикасы:

Бұл галактиканың телескоптың көмегімен түсірілген суреті ғой, ал аспанда көзге бұл галактика кішкентай бұлт сияқты көрінеді:

Галактикалар типтері

Галактикалар пішініне қарай үш негізгі типке бөлінеді - спиральді, эллиптік және бұрыс.

Спиральді галактикалар

Спиральді галактикаларға Құс жолы жатады, бұндай галактикалардың пішіні спиральге ұқсайды:

Эллипстік галактикалар

Эллипстік галактикалардың пішіні эллипске ұқсайды:

Бұнда спиральді галактикаларындағыдай ұзын қол сияқты бөліктер жоқ.

Бұрыс пішінді галактикалар

Бұндай галактикалардың пішіні эллипске де, спиральға да ұқсамайды. Мысалы мынандай пішінді галактика:

Пән: Астрономия

Жандос Алпысбай-ұлы

Комменттер