Бұрыш дегеніміз не? Сүйір бұрыш, доғал бұрыш, тік бұрыш

Бұрыш дегеніміз бір нүктеден шыққан екі сәуленің арасындағы фигура (суретте сары түспен боялған):

Осы фигураның өлшемі градус не π (пи деп оқылады) боп табылады. 180 градус немесе бір π дегеніміз бір түзудің бойындағы жатқан екі сәуленің арасындағы бұрыштың өлшемі:

Осылай 180 градус немесе бір π аңықталады, қалған бұрыштар, осы 180-ке не π-ге пропорционал аңықталады, мысалы 90 градус немесе π/2 дегеніміз 180 градустық бұрыштың жартысы:

360 градус дегеніміз екі рет 180 градус (жарты айналым) немесе бір айналым. Мысалы сағаттың секундтық тілі 60 секунд ішінде бір айналым жасайды, бұл дегеніміз секундтық тіл 360 градусқа айналды:

Екі минутта сағаттың секундтық тілі 720 градусқа айналады (екі айналым жасайды). Секундтық тіл 15 секундта неше градус жасайды? 120 градус неше секундта жасалады?

Сүйір бұрыш

Геометрияда 90⁰ градустан аз бұрыш сүйір бұрыш деп аталады. Мысалы 30⁰ градустық бұрыш сүйір бұрыш болады, себебі 30⁰ градус 90⁰ градустан аз.

Жаттығу:

30, 45 градустық сүйір бұрыштарды салыңыз. Және осы бұрыштарды пи көмегімен бейнелеңіз.

Доғал бұрыш

Геометрияда 90⁰ градустан көп бұрыш доғал бұрыш деп аталады. Мысалы 120⁰ градустық бұрыш доғал бұрыш болады, себебі 120⁰ градус 90⁰ градустан көп.

Жаттығу:

135⁰, 150⁰ градустық доғал бұрыштарды салыңыз. Және осы бұрыштарды пи көмегімен бейнелеңіз.

Тік бұрыш

Геометрияда 90⁰ градусқа тең бұрыш тік бұрыш деп аталады. Тік бұрыштың суреті:

Пән: Геометрия

Жандос Алпысбай-ұлы

Комменттер