Федерациялық мемлекет, Ресей федеративті мемлекет

Федерациялық мемлекет дегеніміз бірнеше өзін-өзі басқаратын құрылымдардың бірігуінен құралған мемлекет. Мысалы, Ресей Федерациясы құрамында бірнеше ұлттың өзіндік ұлттық республикалары бар:

Осы суретте республикалар жасыл түспен белгіленген. Саха Республикасы Ресейдің шығысында орналасқан алып республика. Бұл республиканың өзінің заңдары бар, республика басшысы да бар.

Саха Республикасында екі тіл ресми тіл мәртебесіне ие, бұл саха тілі және орыс тілі.

Татарстан, Башқұртстан, Коми тағы сол сияқты республикалар Ресей Федерациясына енеді. Бұл республикаларда екі түрлі заңдар бар, бірі бүткіл Ресей Федерациясы аумағында күшіне ие федеративтік заңдар, екіншісі жергілікті заңдар. Бұндай бөліну барлық федеративті мемлекеттерге тән.

Әлемдегі федеративті мемлекеттер

Осы картада федеративті мемлекеттер қоңыр түске боялған.

Федеративті мемлекеттерге - Ресейді, АҚШ-ты, Үндістанды, Пәкістанды, Бразилияны, Германияны жатқызуға болады.

Пән: География

Жандос Алпысбай-ұлы