Түзу деген не? Жазықтықтағы түзу, түзуге тиісті нүкте

Түзу деген не? Жазықтықтағы түзу дегеніміз екі жаққа шексіз созылған геометриялық фигура:

Түзулерді латын алфавитінің кіші әріптерімен белгілейді, мысалы a, b, c, d,... деп.

Түзуге тиісті нүктелер

Түзудің үстінде жататын нүктелерді түзуге тиісті немесе түзу осы нүкте арқылы өтеді дейді. Мысалы мына а түзуі бойында екі нүкте жатады (A және B нүктелері):

Бір түзуді және осы түзуге тиісті нүкте салыңыз.

Сонымен қатар түзуді осы түзуде жататын екі нүкте арқылы да белгілеуге болады, мысалы жоғарыдағы a түзуің AB деп те белгілеуге де болады.

Түзуде жатпайтын нүктелер

Түзуде жататын және түзуде жатпайтын нүктелер бар болады:

Осы суреттегі А нүктесі түзудің үстінде жатады, ал B нүктесі осы түзуде жатпайды. B нүктесі осы түзуге тиісті емес.

Түзуде жатпайтын нүктелерді салып көріңіз.

Түзулердің қасиеттері

Қандай түзуді алмасақ та, осы түзуге тиісті және тиісті емес нүктелер бар болады. Кез келген екі нүкте арқылы түзу өткізуге болады, және бұндай түзу тек бір ғана.

Мысалы жоғарыдағы мысалдағы суреттегі екі A және B нүктелері арқылы а түзуі өтеді:

Және бұндай түзу тек бір ғана!

Қиылысқан түзулер

Мына суретте a және b түзулері және осы екі түзуге тиісті D нүктесі көрстеліген:

D нүктесі екі түзуге ортақ, бұл нүкте екі түзудің қиылысу нүктесі деп аталады. Түзулердің қиылысуы деген осы. Бұл екі түзу қиылысқан түзулер деп аталады. Өз бетімен үш қиылысқан түзулерді салып көрініз.

Пән: Геометрия

Жандос Алпысбай-ұлы